Үс Саха уолана элэмпиийскэй лицензия иһин тустуохтара!
Бу кэлэр өрөбүлгэ, о.э. ыам ыйын 8 күнүгэр Турция киин куоратыгар Стамбулга XXXI-с сайыҥҥы Элэмпиийскэй оонньууларга сүүмэрдиир II-с норуоттар икки ардыларынааҕы күрэхтэһии ыытыллыа. 1-2 миэстэ иһин финалга тахсыбыт бөҕөстөр Элэмпиийскэй оонньууларга кыттар чиэскэ тиксиэхтэрэ.
Элэмпийээдэҕэ барар иһин бүтэһик быһаарыылаах күрэххэ 57 киилэҕэ Владислав Андреев (Ньурба), 65 киилэҕэ Тимур Пестерев (Чурапчы), 86 киилэҕэ Иннокентий Иннокентьев (Бүлүү) киирсиэхтэрэ.
Белоруссияттан 65 киилэҕэ Александр Контоев утарсааччыта Дагестан бөҕөһө Азамат Нуриков, 125 киилэҕэ Кыргыстаан хамаандатын салалтатын быһаарыытынан Калининградтан төрүттээх Алексей Крупняков тустуохтара.
Туймаада хочотун бириэмэтинэн күрэхтэһии саҕаланар:
Ыам ыйын 7 күнэ (субуота)
23.15-23.45 - 57, 65, 74, 86, 97, 125 киилэлээх бөҕөстөргө ыйааһыннаныы
Ыам ыйын 8 күнэ (өрөбүл)
16.00-21.00 ч. - 57, 65, 74, 86, 97, 125 киилэҕэ диэри барыллаан хапсыһыылар
түүн 00.00-02.00 ч. - 57, 65, 74, 86, 97, 125 киилэҕэ диэри финальнай хапсыһыылар
Аһаҕас биэриигэ көрдөрөллөр:
https://unitedworldwrestling.org/event/2nd-og-world-qualifying-tournament
*Николай Бястинов хаартыскаҕа түһэриилэрэ
